Angel Otaegi

Angel Otaegi Etxeberria (Nuarbe, 1942 - Burgos, 1975ko irailaren 27a) ETA erakunde armatuko kidea izan zen. 1974. urtean atxilotu zuen espainiar poliziak, guardia zibil baten hilketan parte hartu zuen salaketapean. 1975eko irailean guda-kontseiluan epaitu eta heriotza zigorra ezarri zioten. Protesta handiak izan ziren Euskal Herrian, Espainian eta nazioartean, baina Francok ez zituen kontuan izan eta kondena betearazi zuen hil bereko 27an. Otaegirekin batera, Juan Paredes Manot Txiki, eta FRAP erakunde armatuko hiru kide fusilatuak izan ziren.

Iturria: Euskarazko Wikipedia (CC BY-SA 3.0)