Asier Otamendi

Asier Otamendi Alkorta (Urretxu, Gipuzkoa, 1971) bertsolaria da. 19 urte zituela Gasteiza (Araba) joan zen elikadura ikasketak egitera, eta han bizi da geroztik. AEKko irakaslea izan da hainbat urtez, eta gaur egun Nekazaritza Eskolan dabil. Bertsolaritzari dagokionez, Arabako Bertsolari Txapelketa bederatzi alditan irabazi du. Horrez gain, Prudentzio Deuna bertso lehiaketa bost aldiz segidan irabazi du.

Iturria: Euskarazko Wikipedia (CC BY-SA 3.0)