Ernesto Gasco

Ernesto José Gasco Gonzalo (Donostia, 1963ko uztailaren 24a) Euskal Herriko politikaria da, PSE-EE alderdikoa. Geografia eta Historian lizentziatua, 1995 urtetik Donostiako zinegotzi da; 1995-1999 bitartean, Gazteria eta Lankidetza eta 1999tik Udaltzaingo eta Mugikortasuneko ordezkaritzetako ardurak hartu zituen. 2008ko Espainiako hauteskunde orokorretan diputatu izendatu zuten. 2009ko Eusko Legebiltzarrerako hauteskundeen ondorioz osaturiko PSE-EEko gobernuan, garraioetarako kontseilariorde izendatu zuten. Bere homosexualitatea aldarrikatu eta gayen eskubideak defendatzeagatik ezaguna da. Iñigo Alonsorekin ezkonduta dago eta harekin Euskal Erkidego Autonomoko lehenengo izatezko bikotea osatu zuen, Odón Elorza alkateak egina. Nepotismoaren ondorioz, bere ezkontidea Eusko Jaurlaritzako goi-karguetarako eta bere lagun bat Trenbidearen Euskal Museoko zuzendari jartzea leporatu zaizkio.

Iturria: Euskarazko Wikipedia (CC BY-SA 3.0)