Iker Galartza

Iker Galartza (Amezketa, Gipuzkoa, 1977ko maiatzaren 17a) pailazoa, aktorea eta gidoigilea da. Telebistan egindako lanengatik da batez ere ezaguna; baina pailazo moduan edo antzerkian ere jardun du, Poxpolo ta Mokolo pailazoekin besteak beste. 2008ko abenduaren 3an, Euskararen Nazioarteko Egunean, Begoña Bilbaok zuzendutako Ate joka antzezlana jokatu zuen Gasteiz Printzipal Antzokian. 2017an Gure Zirkua martxan jarri zuen Joseba Usabiaga eta beste kide batzuekin batera eta 2017ko irailean Tolosan estreinaldiko emankizuna eman ondoren Euskal Herriko herriz herri ibili ziren.

Iturria: Euskarazko Wikipedia (CC BY-SA 3.0)