Imanol Agirretxe

Imanol Agirretxe Arruti (Usurbil, Gipuzkoa, 1987ko otsailaren 24a) futbolari profesional ohia da. 2005ean debutatu zuen Real Sociedadeko lehen taldearekin. Ondorengo urteetan Sanse eta Castelló taldeetatik pasa ondoren, 2008-2009 denboraldian Real Sociedaden lehen taldean gelditu zen. 2015eko irailaren 22an bere estreinako "hat-tricka" egitea lortu zuen profesional mailan, Granadaren aurkako norgehiagokan, ligako partidan (Granada 0 - Reala 3). 2018ko abuztuan erretiratu zen, 31 urte zituela, ezin izan baitzen erabat osatu 2015eko abenduan belaunean izandako lesiotik.

Iturria: Euskarazko Wikipedia (CC BY-SA 3.0)