Joakin Gorrotxategi

Joakin Gorrotxategi Txurruka —erdal testuetan, Joaquín María Gorrochategui Churruca— (Eibar, Gipuzkoa 1953ko abuztuaren 17a) euskararen historian espezializatutako euskalaria da, eta bereziki aitzineuskara ikertzen nabarmendu da. Filologia Klasikoan doktorea (Salamancako Unibertsitatea), Euskal Herriko Unibertsitateko (EHU) Indoeuropar Linguistikako katedraduna eta EHUren Antzinaroko Zientzien Institutuko burua da. Euskaltzain urgazle izendatua 2006ko maiatzaren 26an.

Iturria: Euskarazko Wikipedia (CC BY-SA 3.0)