Marije Fullaondo

Marije Fullaondo (Getxo, Bizkaia, 1964ko abenduaren 2a-) ezker abertzaleko kidea da. 2007ko abenduaren 18tik 2010eko apirilaren 15era kartzelan egon zen, Batasunako kide izatea leporatua. Marije Fullaondo Herritarren Zerrendako zerrendaburua izan zen Europar Parlamentuko hauteskundetarako, baina legez kanpo geratu zen zerrenda. Ondoren, Batasunarekin hainbat aldiz lotuta agertu da eta horren bozeramaletza lana egin izan du 2006tik aurrera. Gainera, Arnaldo Otegi eta Joseba Permach kartzelaratu ondoren, Pernando Barrenarekin batera egin izan du lan hau. 2007ko udal hauteskundeetarako Ezker Abertzaletik bultzatu zen ASB alderdia legeztatzen saiatu ziren hiru pertsonetako bat izan zen. 2013ko otsailaren 23an, ezker abertzaleko Sortu alderdiaren zuzendaritzarako aukeratu zuten, Masa Borrokarako Arloaren arduradun gisa.

Iturria: Euskarazko Wikipedia (CC BY-SA 3.0)